خه م بیه ن هامراز خه م عه سای ده سه ن
هام ده ردم خه مه ن ریشه ی دل گه سه ن
خه م بی په روانه ته ن بیه ن به شه م
ته ن جه تاوی خه م تاویو که م که م
هه ر ساتی سه د جار دور مدو ده ورم
باورم نیا خه م کیشو جه ورم
خه ریکا پیری دیونو وه نه م
تینه و جوانی مسانو چه نه م
ئه رش دان عازام سوچناش که م که م
دیارا دوکه ل سه ر که رو جه ده م
سه قفی ده رونم دوکه لی ره شته ن
ئالشتی پیری روی جه سته م وه شته ن
ئینده دووو دووکه ل نه ده م به ر شیه ن
هه لقه هه لقه دوو ئاویزان بیه ن
وه لاتش ته مام دوکه لین که رده ن
سه ر وه دیارگای سه رکه شان به رده ن
جه هه ر سه ر ملیو ته میو ساکنه ن
بی شک دووکه لی هه ناسه ی منه ن
ئانه ته م نیه ن پروزه ی دله ن
پروزه ی سوته ی جه رگی ول وله ن
شه مالی په خشان سه رکه شان که رده ن
ئاهی ده رونه ن نه ده م ویه رده ن
با ئادیچ چون من ته مو ماته م بو
به شداری داخی ده ستی سته م بو
تا دووی سوته ی ته ن نه یاوو گه ردون
شه رمه زار نه بو چه پ گه ردی چه تون
ئارام مه گیرو کلپه ی کوره ی دل
سامه گه ر سوته م تیکه ل بو نه گل